|
Qeqertarsuaq inuutissarsiuteqarnissarsuarmut piareersarpoq
Allattoq Marie Fleischer
Atortussiassanut misissuinerit piiaanerillu, oliamik minnerunngitsumillu erngup imianik soqutiginninneq annertusiartortoq upalungaarfiginiarlugu Qeqertarsuup Kommunea maannakkut inuutissarsiornermut siuarsaaniarluni pilersaarutit aallartisarpaat suliffeqarfiit erngup imianik atortussianik il.il. tunisassiortussat kiffartuunnissaat kivissinnaaniarlugu.
Qeqertarsuup Kommuneanulli pingaartuuvoq kommunemi inuutissarsiutinut nutaanut, illoqarfimmi inuutissarsiortut peqataatinneqarnissaat, inuutissarsiortullu tusaajumallugit inuutissarsiornermut siuarsaaniarluni pilersaarutit maannakkut illoqarfimmi inuutissarsiortunut 45-50-iusunut tusarniaassutigineqarput.
/Qeqertarsuaq.jpg)
Kommunep aguniangarivaa kiffartuussinerit nerisaqarniarneq, angallassineq, eqqiaaneq assassorlunilu sulinerit assigiinngittut innuttaasunik suliarineqassasut.
- Qeqertarsuup Kommuneaunut pingaartuuvoq illoqarfitsinni inuussutissarsiortut inuussutissarsiornermi aningaasaliinernut nutaanut annertunerpaamik iluanaarnissaat. Kisiannili aamma suliassaq kivissinnaasariaqarparput, taamaammat pingaarluinnartuuvoq maannakkungaaq suliassat agguataarnissaat isumagissallugu, inuutissarsiornermut pisortaq Bea Mølgaard Lennert oqarpoq.
Ilinniarneq nutaaq pilersaarusiorneqarpoq
Bea Mølgaard Lennert malillugu, Qeqertarsuup Kommuneat Piareersarfik sulisitsisullu suleqatingalugit ”handymand”-imik ilinniangaqarnissamik pilersaaruteqarpoq, pissutingalugu illoqarfimmi inuusuttut inersimasullu amerlasuut assassorluni sulinermut piginnaasaqarluarmata ilinniangaviusunut isernissamut atuangarsornikkut piginnaasaat killeqaraluarsut.
”Handymand”-imik ilinniangaqarneq ilaatigut sanasutut-, amiisutut, oqaatsinik-, IT-imik, il.il. piginnaasat imarissavai.
- Amerlasuunik suliumassuseqartunik innuttaasoqarpugut maannakkullu amingaatigiinnalerparput ataqatigiissaarineq atorfissaqartinneqartoq, piginnaasat qaffarsarniarlugit kiffartuussineq pitsaanerpaaq angujumallugu. Inuutissarsiortut aasarsiorneq naammassippat suleqatiginissaat qilanaaraarput, Bea Mølgaard naggasiivoq, kommunalbestyrelse-llu sinnera peqatingalugu piaartumik erhvervsråd-imik pilersitsisinnaaneq neriuutigalugu, soorlu tamanna Kalaallit Nunaanni kommuneni allani piusoq.
|
