Peqqinnermut tunngatillugu piviusunngortitsiler-saarluni suliniutit tapiiffigineqarsinnaanerannut periarfissat
Skrevet af Jan Mørch Pedersen,
14. maj 2009
Peqqinnermut tunngatillugu piviusunngortitsiler-
saarluni suliniutit tapiiffigineqarsinnaanerannut periarfissat
Nunatta Takornariaqarnermut Inuussutissarsiornermullu Siunnersuisoqatigiivi (NTIS) marlunngormat peqqinnissamut tunngatillugu piviusunngortitsilersaarluni suliniutinut tapiisoqarsinnaaneranit paasititsiniaavoq. Ataatsimiinneq pivoq Hotel Hans Egede-mi, peqataappullu peqqinnermut inuiaqatigiillu peqqinnissaannut suliallit soqutigisaqartullu arlalissuit.
Nunatsinni oqartussat susassaqartuutaat (institutioner) soqutigisaqatigiillu periarfissaqarput, nunap iluani aningaasaliisinnaareersut qassikattaasut saniisigut, EU-p iluani tapiinissamut aaqqissuussivinnut arlalinnit tapiiffigineqarsinnaanerminnut, taaneqarsinnaasut ilagalugit EU-p sinaakkuseriikkatut tapiinissamut aaqqissuussiviit arfineq-aappaat aamma nunat immikkoortuini tapiinissamut aaqqissuussivik "Northern Periphery Programme". Ataatsimiinnermi saqqummiisut atituumik itisuumillu 'peqqinneq' qulequtaralugu paasititsiniaapput, EU-p tapiinissamut aaqqissuussiviinut ataqatigiissaakkamik soqutiginninnissaq pingaartinneqarluni.
- Ataatsimiinnermi ilaatigut siunertaraarput peqataasut nunap iluani aamma nunat tamat akornanni peqqinnissamut inuiaqatigiillu peqqissuunissaannut tunngatillugu tapiinissamut periarfissaasut eqqumaarfigineqarnissaat, aammalu siunertaralugu inuit pingaarutilimmik inissisimasut siunissami suleqatigiinnerunissaat naapinnissaallu anguniarlugit, taama piviusunngortitsilersaarutinut ataqatigiissaarisoq, Jan Mørch Pedersen oqaaseqarpoq.
Ataatsimiinnermi Bolatta Vahl-ip Inuuneritta Puljen-imi periarfissat saqqummiiffigai, Gert Mulvad-ip saqqummiuppai Forskningspuljen-imut tunngasut, Najâraq Paniula saqqummiivoq KVUG-p tapiissutigisinnaasaanut periarfissat pillugit aamma taamatut periarfissat Forskningsfremmepuljen-imiittut pillugit; Jan Mørch Pedersen-illu saqqummiuppai EU-p atani Nordlige Periferi Program-imut tunngasut (NPP) aamma Annette Fløcke Lorenzen isumassarsinartumik naggasiilluni EU-p sinaakkuseriikkatut tapiinissamut aaqqissuussiviit arfineq-aappaata ataani periarfissat pillugit saqqummiilluni.
EU-p tapiisinnaaneranut aaqqissuussinerit periarfissaasut saqqummiunnerisa saniisigut NTIS 'Piviusunngortitsilersaakkat Allaffiat' (Projektkontoret) suleqatigalugu aaqqissuussisimavoq suleqatigiiaanit aqutsinermut pikkorissarnissamut, tamannalu periarfissatsialaasimalluni piviusunngortitsilersaarlutik peqataareersut peqataalerusuttullu piviusunngortitsilersaarnermi sakkuusinnaasunit ilikkagaqarsinnaanerinit. Pikkorissarneq ullumit ataatsimit affarmillu sivisussuseqartoq pissarsiffiuvoq nunat tamat akornanni piviusunngortitsilersaarluni qanoq suleqatigiittoqarsinnaaneranit, piviusunngortitsilersaarluni ingerlatsinermut aqutsinermut aamma qanimut suleqatigiinneq ataatsimut isigalugu qaammaassaqarfiulluni.
Saqqummiisut saqqummiussaasa assilineri ataani taaneqartunut saaffiginnilluni pineqarsinnaapput:
Piviusunngortitsilersaarnermi ataqatigiissaarisumut, Jan Mørch Pedersen-imut, oqarasuaat 34 28 27, jan@greenland.com
imaluunniit
Iluarsartuussanik pilersaarusianut ataqatigiinnermullu pisortamut, Anders La Cour Vahl-imut, oqarasuaat 34 28 31, anders@greenland.com
|
