Printervenlig

Nunatsinni Takornariaqarnermut Inuussutissarsiornermullu Siunnersuisoqatigiit A/S saaffiginnittarfimmiussarsiorpoq

Nunatsinni Takornariaqarnermut Inuussutissarsiornermullu Siunnersuisoqatigiit A/S saaffiginnittarfimmiussarsiorpoq

Nunatsinni Takornariaqarnermut Inuussutissarsiornermullu Siunnersuisoqatigiit suliaminut sunniuteqarusussuseqartumik saaffiginnittarfimmiussarsiorpoq. Atorfik sapaatip akunneranut nalunaaquttap akunnerini 30-ni (nal. 08:00-miit 14:00-up tungaanut) suliffiuvoq. Atorfillu 2009-mi juli-p 15-aniit tamatumaluunniit kinguninngua inuttalerusunneqarluni.

Saaffiginnittarfimmi suliassat assigiinngitsorpassuit neqeroorutigaagut, suliffiup iluani sulisunit allanit sullissinermit ilaqartussat.

Suliassat ilagaat suliffeqarfimmi suliassat assigiinngitsut peqataaffiginissaat, soorlu oqarasuaatikkut saaffiginninnerit aaqqissuutamik isumagineqarnissaat, ianertut sulisunut oqariartuutaasa ingerlateqqinnissaat, ullut tamaasa allakkanit aallertarnissaq aatsisarnissarlu, toqqorsuineq, toqqorsivimmi uninngatitanit aqutsineq, toqqorsivimmilu uninngatitanit nakkutilliineq, allaffimmilu atortussanit pisinissamut aqutsineq, suliffimmi maskiinatigut atortunik aserfallattaanermullu nakkutilliineq, ullup qeqqarsiutissanit inniminniineq aallersarnerlu, sutortarfimmit ingerlatsineq tassungalu atatillugu ataatsimiittussanut sulisunullu kaffeqarnissaq theqarnissarlu isumagisassallugit, eqqiaasartunut atassuteqartuunissaq, kiisalu allat piareersagaannit nammineerlutilluunniit isumagisanit allakkialerineq.

Suliassani taaneqartuni nammineq akisussaaffeqassaatit, aammalu suliffiup iluani suliassanut allanut piareersimasussaassallutit.

Naatsorsuutigaarput allaffissornikkut saaffiginnittarfilerinikkulluunniit ilinniagaqarsimassasutit, kalaallisut, qallunaatut, ajornanngippallu tuluttut oqalussinnaasutit, aammalu qarasaasianik atuinermut misilittagaqarluassasutit.

Inuttut ammasuussaatit, nuannaartuullutit, inorortuullutit, nammineersinnaallutit, akisussaarpalaartuullutit, suliffimmilu sulisunut inussiarnersumik piginnaaneqarpalaartumillu sullissisinnaassaatit. Nammineerlutit suleqatigiillu akornanni sulisinnaassuseqarlutit, aallarneerusussuseqarlutit, aamma suliassanit assigiinngitsunit isumaginninnissamut piumassuseqarlutit.

Neqeroorutigaarput suliffik soqutiginartoq, assigiiaaginnartorsuunngitsoq, suliassat unammillernartut, suleqatigiinnerlu ilumoorsaarfiorpalaanngitsoq.

Akissarsiat sulinermullu isumaqatigiissutit atorfimmut atatillugu piumasaqaatinut naleqquttut isumaqatigiissusiornikkullu isikkulersukkat. Tamakku saniisigut ilaqutarnut ilinnullu akiliunneqarluni sulinngiffeqarluni ukiumoortumik angalaneq, utoqqalinersiutinut katersinermut aaqqissugaq, kiisalu sillimmaserneqarneq orniginarluartoq.

Paasissutissat annertunerit pineqarsinnaapput Aningaasaqarnermut Allaffissornermullu Pisortaq, Karsten Høy, e-mail: karsten@greenland.com, oqarasuaat 34 28 25 atassuteqarfigalugu.

Qulaani taaneqartut soqutiginartikkukkit qinnuteqarit, ilanngullugillu paasissutissat pisariaqartut tamaasa, uungalu nassiullugit:

Nunatsinni Takornariaqarnermut Inuussutissarsiornermullu Siunnersuisoqatigiit, Postboks 1615, 3900 Nuuk