Nunap immikkoortuini illut siunnersuiviit pilersinniarneqarput.
Allattoq Ellen Christoffersen
Nunatsinni Takornariaqarnermi Inuussutissarsiornermilu Siunnersuisoqatigiit maannakkut kujataani avannaanilu kommunenut illut siunnersuiviit pilersinneqarnissaat siunertaralugu saaffiginnissuteqarsimalerput.
Pilersitsiniarneq tunngaveqarpoq nunatsinni inuussutissarsiornermi ineriartortitsinerup pitsanngorsarnerani anguniakkanut Nunap immikkoortuini siunnersuivinnik pilersitsinissaq ilaalluinnarmat.
Nunatsinni Takornariaqarnermi Inuussutissarsiornermilu Siunnersuisoqatigiinni Ineriartortitsinermi pisortap Hans Peter Poulsen-ip oqaatigivaa kommunet maannakkut saaffigineqarsimasut, qisuariarnissaallu isumalluarfigalugit. Pisariaqarpormi kommunet aaqqissuuteqqinneqarneranni nunap immikkoortuini inuussutissarsiornerup ineriartortinneqarnissaannut atatillugu sullissivinnik pilersitsinissaq.
Annertunerusumik paasisaqarusukkuit Mads-Daniel Skifte-mut uunga attaveqarsinnaavutit: mads@inussuk.gl immaluunniit oqarasuaatikkut: +299 342828
|
