NPP siumoortumik pilersaarusiat - malittarisassat nutaat
Qinnuteqaatit siumoortumik pilersaarusianut qaqugukkulluunniit nassiunneqarsinnaapput. Siumoortumik pilersaarusiornerit siunertarivaa paasiniassallugu pilersaarusiaq tunngavissaqarnersoq. 19. Januariminngaanniit piumasaqaatit nutaat atuutilissapput.
1) Piffissami 19. Januar – 30. Juni aningaasanik qinnuteqartoqarsinnaavoq pilersaarutinut ukununnga:
- Ungasissutsinik annikillisaaniarluni paasissutissiinikkut attaveqaqatigiinnikkullu teknologiip atugarinera.
- Silap pissusaani atoruminaatsuni angallannikkut attaveqarfiit ineriartortinnissaannut aserfallatsaalinissaannullu nutaaliatut tunisassiat sullississutitigullu aaqqiissutissat ineriartortinneri.
- Inuiaqatigiinnut avinngarusimasunut iluaqutaasussanik – assersuutigalugu immakkut aqqutinik nutaanik – angallannikkut aqqissuussiffinnik ineriartortitsinerit.
- Immikkoortortanut issittumi atugassarititanik atoruminaatsoqarfiusunut atatillugu immami angallannermi isumannaallisaaneq.
- Sullississutitigut aaqqiissutissanut nutaanut atatillugu illoqarfinni/nunaqarfinni suleqatigiinnerit.
2) Siumoortumik pilersaarusiat naliginnaasumik qaammatini arfinilinni sivisussuseqartarsimapput, qinnuteqartulli piffissami 2009-2010-mi aningaasanik qinnuteqarsinnaanngorput ukioq ataatsimik sivisussusilimmik. Siumoortumik pilersaarusiat aningaasat 37.500 Euro angussanngilaat, taakku 60 %-iat – 22.500 Euro – NNP-minngaanniit matussuserneqassapput.
Soqutiginnittut uani paasissutissanik pisinnaapput
|
/NPP.png)