Printervenlig

NORA - PROJEKTINUT TAPIISSUTIT 2008 

NORA projektinut, Savalimmiuni, Kalaallit Nunaanni, Islandimi Norgellu sineriaaniit inuutissarsiutinik suleqatigiiffik tinnissamut qinnuteqaatinik maannakkut qaaqqusivoq.

NORA-p susassaqarfiini pingaarnersani projektinut tapiissutinik qinnuteqartoqarsinnaavoq: 

Imaani pisuussutsit
Projektit piujuaannartitsinissaq aqqutingalugu pisuussutsinut pioreersunut, perlukunut, bioteknologi-lu aqqutigalugu nerisassianut atorluaanermik siuarsaasut.

Takornariaqarneq
Projektit nunani avannarlerni piujuaannartitsinissaq aqqutigalugu piorsarsimassuttikkut avatagiisillu tunngavigalugit takornariaqartitsinissamik siuarsaasut.

Paasissutissiinermut teknologi, IKT
Projektit nunat avannarliit ineriartornerannut IKT-mik atorluaanissamut peqataasut.

Piffinni suleqatigiinnerit ilai, angallanneq, piffimmilu piujuaannartitsineq
Projektit nunat avannarliit inoqarfiinik, angallannermik, piujuaannartitsinissamillu ineriartortitsinermik nukittorsaasut.

Tapiissutit suliffeqarfinnut suliffeqarfinnulluunniit ilisimatusarnermik soqutigisaqatigiinnik suleqatillit salliutinneqartarput. Assersuutigalugu tapiiffigineqarsinnaapput: attaveqarfinnik sananeq, ilisimatusarnermut attuumassuteqartumik suleriaqqaarnerit siulliit projektinillu siuarsaaneq. NORA-p takorusussinnaavai projektinut qinnuteqaatit Northern Periphery Programme-mut (NPP) annertusarlugit ineriartortinneqarsinnaasut. 2007-miit NPP-p projektit ineriartortitsinermut unammillersinnaanerulernermullu siuarsaasut aammattaarlu avatagiisit inuiaqatigiinnilu pisuussutsit piujuaannartitsineq eqqarsaatigalugu atorluaasut tapersorsinnaalissavai. Aammattaaq NORA-p tikilluaqquai qinnuteqaatit Skotland-ip avannaaniit Canadallu Kangianiilluunniit suleqatiseqarluni suliarineqartut.

Tapiissutit annerpaamik ukiut pingasut pineqarsinnaapput aammattaarlu tapeeqataasutuinnaq (annerpaamik 50%) pineqassallutik, pissutigalugu piumasaqaataammat projektimut allatigut aningaasaliisoqarnissaa. Minnerpaamik nunanit ilaasortanit marlunnit projektit peqataaffigineqassapput.

Qinnuteqaat immersuiffissaq NORA-p quppersagaani aaneqarsinnaavoq:
www.nora.fo nassiunneqassallunilu elektroniskimik uunga:

NORA, Nordisk Atlantsamarbejde 
Bryggjubakki 12 
Box 259 
FO-110  Tórshavn 
Tel: +298 353110 
Fax: +298 353101 
nora@nora.fo  

NORA-p innersuukkusuppaa kajumissaarlugulu projektinut isumassarsiat, NORA-mut, Northern Periphery Programme-mullu paasissutissat annertunerusut aallersinnaaneq, NORA-p nunani ataasiaakkaani aallartitaaniit saaffiginninnikkut:

Kalaallit Nunaat: Nunatsinni Takornariaqarnermi Inuutissarsiornermilu Siunnersuisoqatigiit 
Box 1615 
3900 Nuuk 
Tel +299 342831 
anders@greenland.com