NATA-mut ulloq qinnuteqarfissaq killinga qaangiutingajalerpoq...
Ulloq qinnuteqarfissaq killinga takornariaqarnermut tunngasunut projektit, NATA-minngaaniit (North Atlantic Tourism Association) tapiigineqarnissamut qinnuteqaatit ullumi ulloq 29. augusti killeqaraluarpoq. Kisianni Kalaallit Nunaaninngaaniit qinnuteqarsimanngimmat, aalajangiisimapput marlunngornermut ulloq 2. septemberi qinnuteqaatermut killeq nikissasoq. Qinnuteqaatit minnerpaamik nunat (Kalallit Nunaat, Savalimmiut Islandilu) marluk qulaani taaneqartut akornanni suleqatigiinnissamik siunertaqassapput. Soorlu taaneqarsinnaavoq takornariarnermi sulisoq praktikkersinnaavoq nunami avannerlermi.
Siunertaavoq nunani avannarlerni takornariaqarnermi suliniuteqaqartut siunissaq eqqarsaatigalugu nukittunerullutik, ataqatigiinnerullutik suleqatigiinnissaat.
NATA-p suliarivai nunani taakkunani suliniuteqartunut aningaasaliisarnerit, siusinnerusukkut Savalimmiut, Islandillu akornanni suleqatigiinnissamut aningaasaliissutigineqartarsimasut (FITUR) aamma Kalaallit Nunaat Islandillu akornanni (SAMIK).
Aningasaliiffigneqarnissaq periarfissaqarpoq ukununga tunngasuussappat:
Takornariartaatsinik assigiinngitsunik piorsaaneq
Ussassaarineq, takornarialerinermut nalunaarusiornerit
Praktikkertitsineq, suliamut tunngatillugu angalanerit, atuartut angalaneri, takornariarnermut ilinniarneq il.il.
Mellemfolkelig samvirke, atuartut angalatinnerit, pikkorissartitsinerit il.il.
Suliniutit, angalanerit allalluunniit 2008 natinnagu pisussat qinnutigineqarsinnaapput. Qinnuteqaatit tamarmik immersuinikkut pissapput, suliniutigisat itisilernerat, missingersuutitaalu immikkut ilanngullugit. Qinnuteqaatit qallunaatut imaluunniit tuluttut allaqqassapput ukununngalu nassiunneqarlutik:
NATA c/o, Nunatsinni Takornariaqarnermi Inuussutissarsiornermilu Siunnersuisoqatigiit
Strandgade 91, 1010 København K
Apeqqutissaqaruit Lykke Geisler Yakaboylu saaffigiuk oqarasuaatikkut + 45 32 83 38 87 imalt. e-mail lykke@greenland.com atorlugu.
Qinnuteqarnissamut immersugassaq uani piniarneqarsinnaavoq www.greenland.com
|
