Namminersortutut aallartitsinissamut pikkorissarneq
Kursusnr. 2009-038 modul 1+2. Sisimiuni.
Siunertaq
Pikkorissarnermi siunertaavoq, namminersortutut aallartitsiniartumut apeqqutit assigiinngitsut qulaajarnissaat, aallartitsilernermi aalajangiinissamut toqqammavissat annertusarniarlugit.
Pikkorissarnermi immikkoortut marlut ingerlatinneranni ukua sammineqassapput:
• Aallartitsisarneq, aallartitsisartullu pisinnaasaat
• Pilersaarusiorneq, isumassarsiamik ineriartortitsineq misissueqqissaarnerlu
• Attaveqatigiinneq
• Tuniniaaneq kiffartuussinerlu
• Ussassaarineq
• Ataqatigiiaarineq
• Tunngaviusumik aningaasanik aqutsineq
• Akileraarnermut tunngasut
• Naatsersuineq
• Missingersuusiorneq
• Bogføriineq, naatsersuutinillu paasinnisinnaaneq
• Nalorninartunik qulaajaaneq
• Ikiorsiiffiusinnaasut, tapiissuteqarfiusinnaasut (klippekortit arlallit, nutarsaaneq, qularnaveeqqusiineq il.il)
Ilinniartitsineq saqqummiisarnikkut, sungiusarnikkut, eqimattakkaarnikkut oqallittarnertullu ingerlanneqassaaq.
Aammattaaq namminersortunik, aningaaserivinniik, naatsersuuserisunik allanillu siunnersuisunik pulaartitsinikkut atuagarsorneq ”silarsuarmik piviusuminngaaneersunik” ataqatigiissinneqassaaq.
Pikkorissarnerit immikkortut marluupput, tamarmik ullunik tallimanik sivisussusillit.
Akia
Pikkorissarnissamut peqataanissaq akeqarpoq kr. 6.500,- immikkoortumut ataatsimut. Akimi ilaapput pikkorissarnermi atortussat ullo´qeqqasiornerlu.
Uge 11: 9. marts - 13. marts 2009, modul 1 Sisimiuni.
Uge 14: 30. marts - 3. april 2009, modul 2 Sisimiuni.
Pikkorissarnissamut peqataasinnaapput inuit nammineq suliffimmik aallartitsinissaminnut pilersaaruteqartut, suliffimmik tigusisussat imaluunniit suliffimmik aallartitseqqammersut tiguseqqammersulluunniit.
AMA-mit tapiissut
Angalanermut najugaqarnermullu tapiisoqassaaq AMA-mik malittarisassat naapertorlugit.
Niuernermik Ilinniarfiup angalanissaq najugaqarnissarlu isumagissavai.
Paasissutissanik annerusunik pissarserusukkuit Niuernermik Ilinniarfiup pikkorissartitsisarnermut immikkoortortaqarfia attaveqarfigineqarsinnaapput imaluunniit Nunatsinni Takornariaqarnermi Inuussutissarsiornermilu Siunnersuisoqatigiit.
Nalunaarnissamut immersuiffissaq uunga aaneqarsinnaavoq www.ninuuk.gl
|
