|
TUSAGASSIUTITIGUT NALUNAARUT
Nuuk, ulloq 6. maj 2008
Bruxelles-imi issittumi silap pissusaa sammineqassaaq
EU oktober-imi Bruxelles-imi annertuumik aaqqissuussaqarniarpoq taaneqartumik Open Days, taamaaliornermullu siunertaalluni EU-mi nunat immikkoortuisa soqutigineqarnerulernissaat. Nutaarsiassaavoq aaqqissuussami tassani Nunarput peqataassammat, qanimut suleqatigalugit Island-imeersut, Finland-ip avannaaneersut, Sverige-p avannaaneersut aamma Norge-p avannaaneersut.
Open Days aamma taaneqartarpoq ”europamiut nunat immikkoortuisa illoqarfiillu sapaatip akunnerat” ukiullu arfinilissaat ingerlanneqassalluni, maanna Bruxelles-imi. Nunap immikkoortuinit 217-nit aamma illoqarfiit nunanit 32-neersunit peqataaffigineqassaaq, nunarpassuarniillu peqataasoqarnissaa naatsorsuutigineqarluni.
Nunarput aamma nunat avannarliusut suleqataasussat ataatsimoorlutik namminneq naapisimaarluni suliniuteqaqatigiinnissamut aaqqissuussipput, ersarissarneqassallutik issittumi silaannaap pissusaata allanngoriartornera, kiisalu iliuutaasariaqartut issittumi atorluarsinnaasat suusinnaanerinik ersarissaanerusunik, soorlu ilinniartitaanermut tunngasut aamma imminnut nammassinnaasumik nukissiornermut tunngasut.
- Nunatsinnut pingaaruteqarpoq Nunatta aamma Nunatsinni unammillernartuusinnaasut malunnartinneqarnissaat, tamaaliorsinnaanermullu aaqqissuussineq periarfissatsialaalluni, taamatut oqarpoq Nunatsinni Takornariaqarnermi Inuussutissarsiornermilu Siunnersuisoqatigiinni EU-mut tunngatillugu ataqatigiissaarisoq, Karen Holm.
- EU susassaqarfiuvoq angisoorujussuaq, eqqaaneqareertutullu ataatsimoorussamik suleqatigiinnikkut tusarniarneqarnissaq ajornannginnerulertussaavoq. Suleqatissavut atukkatsinnut assingusunik unammilligaqarput, aaqqissuussami taaneqartutut ittumi isumasioqatissarsisinnaavugut aammalu unammillernartut ataatsimut atukkavut eqqumaarfigineqartinnerulersissinnaavagut, taama Karen Holm naggasiivoq.
Open Days-it nalaanni Bruxelles-imi aaqqissuussinerit 120-ussapput, ukiullu ingerlanerini politik-kikkut aalajangiisartut, immikkut ilisimasaqartut, aningaaserivinniit aallartitat, inuussutissarsiortuniit aamma innuttaasut akornanni eqimattakkaaneersut amerlanerpaat katersuuttarfigilersimavaat.
Open Days-it Bruxelles-imi ulluni oktober-ip arfernaniit qulingiluaanut pissapput, soqutiginnittullu tamarmik peqataasinnaapput.
............
Paasissutissat annertunerusut perusukkukkit saaffigineqarsinnaavoq:
Karen Holm, oqarasuaat 34 28 27, e-mail: karen@greenland.com aamma www.opendays.europa.eu
|
