Printervenlig

Aningaasaateqarfinnit aningaasaliiniartitsineq aamma piviusunngortilersaakkanit ineriartortitsineq NTIS-ip aamma NAPA-p qitiutillugit sammitikkai

Aningaasaateqarfinnit aningaasaliiniartitsineq aamma piviusunngortilersaakkanit ineriartortitsineq NTIS-ip qitiutillugit sammitikkai

EU-p ilinniartitaanermut atatillugu pilersaarutaasut aamma tamakkununnga tunngatillugu tapiisoqarsinnaanermut tunngasut, Nordisk Ministerråd-imit aqunneqartut, ilisimaneqarnerunissaat anguniarlugu Nunatsinni Takornariaqarnermi Inuussutissarsiornermilu Siunnersuisoqatigiit (NTIS) NAPA suleqatigalugu ingerlanneqarpoq "Tapiissutit nunat tamat akornanneersunit atorlugit ilinniarnermut aamma piginnaasatigut ineriartorneq pillugit isumasioqatigiinneq".

Ilinniartitaanerup silarsuaaniit aallartitat 23-it peqataapput, KAISKA, Kalaallit Isiginnaartitsisartut ilinniarsimasut aamma Oqaasileriffik-meersut pingasunngorneq, 21. maj aamma sisamanngorneq, 22. maj katersuussimapput Nuummi Katuami Ikinngutigiit Inaani.

Isumasioqatigiinnermi saqqummiisuupput CIRIUS-imi nunat tamat akornanni siunnersorti, Niels Kruse, taassuma saqqummiuppaa Inuuneq Tamaat Ilinniarnissamut Pilersaarut (Lifelong Learning Programme (LLP)) aamma sammillugu Nordplus. NAPA-mi piviusunngortilersaakkanut siunnersorti, Boas Møller naggasiisumik Nordplus pillugu saqqummiivoq. NAPA-mi piviusunngortilersaakkanut siunnersorti, Ruth Montgomery NAPA-p ataani tapiinermut periarfissat pillugit saqqummiivoq.

Per Thomsen-ip, Nuummi Niuernermi Ilinniarfimmersup aamma Lasse Ziska-p, Sisimiuni Oqaatsinik Pikkorissarfik-meersup saqqummiuppaat COMBAR-piviusunngortilersaagaq; EU-p ataani qarasaasiaq atorlugu kalaallit ilinniarfiini ilinniagaqarsinnaanermut atorneqarsinnaasoq sammineqarluni.

Isumasioqatigiinnerup ingerlanneqarnerisa aappaani ullup qeqqasiornerup kingorna itisuumik sammineqarpoq Logic Framework Approach (LFA) saqqummiisuulluni siunnersorti, Lars Horsholt Jensen. Isumasioqatigiinnerup ulluisa aappaanni peqataasut eqimattakkaartinneqarput, tamarmillu LFA aallaavigalugu piviusunngortilersaakkanik sammisaqartinneqarlutik, sammisallu peqataasunut allanut saqqummiunneqartussaallutik.

- Peqataajumaninnut aallaaviusoq pingaaruteqarmat ilinniagaqartut nunarsuarmi sumiiffinnut allanut ilikkangaqarumallutik ingerlanissaat aamma ilikkangaqarneq Nunatsinni ineriartornissamut "ikummatissaammat". Atuaqatigiimmi marluk Europa-mi aamma Amerika-mi suleqatiminnut atassuteqarnerat ingerlaavartissallugu, taama Jens S. Pedersen NI-mit Qaqortumeersoq oqaaseqarpoq.

- Pimoorullugu siunertaraarput siunissami paasisassarsiorluta angalanitsinnut assigisaannullu nunallu tamat akornanni paarlaaqatigiinnernut aningaasaateqarfiit atornerunissaat. Aningaasat qinnutaasussat ilaatigut atorneqassapput Niuernermi Ilinniarfimmi ilinniartut paasisassarsiorlutik angalanissaannut atorneqassapput.

------

Paasissutissat annertunerusut piumagukkit atassuteqarfiguuk EU-mut tunngasunit ataqatigiissaarisoq Karen Rubæk Holm oqarasuaat nr. 342827 imaluunniit karen@greenland.com