Aallarnisaasutut nersornaat 2007
Kalaallit Nunaanni Inuussutissarsiutinik Inneriartortitsineq pillugu Siunnersuisoqatigiit sumiiffinni inuussutissarsiutinut siunnersuisoqatigiinnut, sulisitsisut kattuffiinut, kommuninut, inuinnarnut il.il. kaammattuipput ukioq manna kina aallarnisaasutut nersornaammik pissarsissanersoq.
Inuussutissarsiutinik ineriartortitsineq pillugu Siunnersuisoqatigiit aallarnisaasumut nersornaammik tunniussissapput, tamannalu naatsorsuutigineqarpoq ukioq manna 2007-mi decemberip pingajuani ataasinngornermi pissasoq.
Aallarnisaasutut nersornaatip siunertaa tassaavoq aallarnisaasutut kajumissuseqalersitsinissaq, nammineq suliffigisamik pilersitsinissamut kajumissaarinissaq aamma inuussutissarsiutit tamat iluanni nutaamik eqqarsarnissamik siuarsaanissaq.
Piumasaqaatit makku aallaavigalugit innersuussutigineqartut nalilersorneqassapput:
1) Aallarnisaasoq ukiut pingasut kingulliit iluanni suliffeqarfimmik suli ingerlasinnaasumik pilersitsisimassaaq.
2) Innersuussutigineqartut nalilersornerini nutaaliorsinnaanermut/nutaamik eqqarsarsinnaanermut aallarnisaasup piginnaasaqarnera pingaartinneqassaaq.
3) Aamma suliffeqarfimmik pilersitsinermut atatillugu akimmisaarutinik aporfinnillu aallarnisaasup qaangiisinnaanera nalilerneqassaaq.
4) Nalinginnaasumik inuussutissarsiutinik ineriartortitsinermut peqataanera suliffiillu nutaat pilersinneqartut amerlassusai.
5) Inuussutissarsiutini tamani aallarnisaasut innersuussutigineqarsinnaapput.
6) Aallarnisaasoq tamanut saqqummernissaminut piareersimassaaq.
Akissarsiassat
Ukioq manna aallarnisaasutut nersornaat kr. 25.000,00-inik akissarsissaaq imaluunniit akissarsiatut ataatsitut 15.000 kr.-inik marlunnillu akissarsiatut 5.000 kr.-inik aningaasartalittut tunniunneqarsinnaavoq.
Ukioq manna aallarnisaasutut innersuussutit uunga nassiunneqassapput:
Inuussutissarsiornermut Pisortaqarfik
Postboks 1601
3900 Nuuk
Allakkap puuata nalunaaqutsernera: Aallarnisaasutut nersornaat 2007
Imaluunniit e-mail: ip@gh.gl - taaguuserlugu "Aallarnisaasutut nersornaat 2007".
Inassuteqaatit Inuussutissarsiornermut Pisortaqarfimmit kingusinnerpaamik sisamanngorneq 22. november 2007-mi tiguneqarsimassapput.
Annertunerusumik paasisaqarniaraanni uku saaffigineqarsinnaapput:
Kristian Lennert
Inuussutissarsiutinik ineriartortitsineq pillugu Siunnersuisoqatigiit siulittaasuat
Oqa. 34 37 00
Heidi Sonne-Clifford
Inuussutissarsiornermut Pisortaqarfimmi allaffimmi pisortaq
Oqa. 34 56 10.
|
